Valgreinar 2011-2012

BÓKFÆRSLA

Markmið:

Að nemendur geri sér grein fyrir hugtökunum gjöld, tekjur, eignir og skuldir.
Að nemendur kynnist almennum færslum í dagbók.
Að nemendur öðlist einhvern skilning á uppgjöri.
Að nemendur geti sett fram einfaldan efnahags- og rekstrarreikning.

Námslýsing:

Fjallað er um grundvallaratriði bókhalds, dagbókarfærslur og reikningsuppgjör. Mikil áhersla er lögð á vönduð vinnubrögð nemenda, nákvæmni og frágang. Kennslugögn:

Kennslubók í bókhaldi fyrir grunnskóla, höf. Sigurjón Gunnarsson Námsmat 3

Haustönn: Umsagnir. Vetrarönn: Próf 60%, verkefni og tímavinna 25%, heimavinna 15%. Vorönn: Próf 60%, verkefni og tímavinna 25%, heimavinna 15%.

Kennari: Guðný Sigurjónsdóttir

ENSKA - ENS103

Áfangalýsing: Undirstöðuatriði enskrar málfræði rifjuð upp, sérstaklega þau atriði sem reynast íslenskum nemendum erfið. Áhersla er lögð á vandlegan lestur texta til þess að byggja upp virkan og hagnýtan orðaforða. Auk þess lesa nemendur bókmenntatexta og texta almenns eðlis. Markvissar hlustunaræfingar notaðar til þess að þjálfa skilning á töluðu máli. Nemendur þjálfaðir í að tjá sig með viðeigandi orðalagi um almen efni á ensku. Ritun er þjálfuð með fjölbreyttum æfingum og áhersla lögð á að skrifa skipulegan texta og skipta í efnisgreinar. Þjálfun í notkun orðabóka.

Markmið:

Nemandi:

Geti skilið venjulegan lestexta af ýmsu tagi.
Skilji skýrt talað efni sem ekki er endilega ætlað enskukennslu (raunefni, nytjatexta).
Geti talað um almenn efni og tjáð sig með viðeigandi orðalagi.
Geti tjáð sig skriflega á skipulegan hátt með markvissri notkun orðaforða.

Kennari: Ásdís Óskarsdóttir

FÉLAGSMÁLAFRÆÐI

Fjallað er um lýðræði í tómstunda- og félagsstarfi. Nemendur eru þjálfaðir í að skipuleggja og framkvæma viðburði á vegum félagsmiðstöðva. Fjallað verður um fundarsköp og fundarstjórn. Nemendur fá þjálfun í að koma fram og tjá sig í ræðu og riti. Fjallað verður um unglingamenningu og aðstæður barna- og unglinga á Íslandi til tómstundaiðkunar.

Unnið verður með samskipti, sjálfsmynd og forvarnarverkefni gegn einelti. Nemendur í félagsmálafræði taka þátt í að skipuleggja félagsstarf vetrarins í samvinnu við nemendaráð og starfsmenn félagsmiðstöðvarinnar. Nemendur í félagsmálafræði munu skiptast á að bera ábyrgð á skemmtunum og öðrum uppákomum. Það er einnig hlutverk nemenda í félagsmálafræði að virkja sem flesta unglinga til starfa. Unglingalýðræði skal í hávegum haft, en það er leið 4

unglinganna til að tryggja áhrif, það er að efla virkni þeirra, þátttöku og ábyrgð á starfinu.

Unglingalýðræði er svar við ábyrgðar- og áhrifaleysi unglinga í nútíma samfélagi. Það byggir á þeirri forsendu að hin óvirku hlutverk sem unglingar hafa fengið í dag samsvari ekki þroska þeirra og getu. Í stað þess að vera óvirkir þiggjendur þá verði unglingarnir virkir þátttakendur í stjórnun og skipulagi sinna mála og taka ákvarðanir jafnt sem ábyrgð.

Stefnt er að því að:

Unglingar þroskist tilfinninga- og félagslega.

Sjálfsmyndin styrkist.

Nemendur geti tjáð skoðanir sínar og tilfinningar með jákvæðum hætti og unnið með öðrum að þroskandi viðfangsefnum.

Nemendur verði hæfari til að lifa og starfa í lýðræðisþjóðfélagi.

Kennari: Halldór Hlöðversson

HEIMILISFRÆÐI

Kennari: Ragna Sigurðardóttir

Markmið:

Að nemendur:

þjálfist í að setja saman máltíðir og fylgja manneldismarkmiðum
þjálfist í að matreiða fjölbreyttan og góðan mat samkvæmt manneldismarkmiðum
tileinki sér hreinlæti í verki við heimilisstörf
auki skilning sinn á hlutverki heimilisins
auki þekkingu sína og leikni í heimilisstörfum
auki skilning sinn og áhuga á tengslum hollustu og
heilbrigði
efli skilning sinn á gildi góðrar vinnutækni
verði sjálfstæðari og leiknari í samstarfi og öðlist aukna samábyrgð .

Námsþættir:

Matreiðsla og framreiðsla: Grunnaðferðir í matreiðslu algengra fæðutegunda með hliðsjón af hollustugildi. Bakstur (gerbakstur, þeytt, hrært og hnoðað deig), vinnuhagræðing, val áhalda og tækja við matreiðslustörf. Hreinlæti:Þ.e. matvælahreinlæti, uppþvottur, hreinsun áhalda og tækja, hreingerning í eldhúsi o.fl.

Námsefni:

Heimilisfræði II, Næringarfræði (Þrír pistlar um næringarfræði) eftir Brynhildi Briem, Heimilisfræði fyrir unglingastig 8 (Námsgagnastofnun) ljósritað efni.

Námsmat:

Verkleg próf 30%. Vinnusemi og mæting 70%.

ÍÞRÓTTIR OG ÚTIVIST

Kennari: Ragnar H. Róbertsson

Markmið:
Að nemendur:

fái tækifæri til að kynnast og stunda þolþjálfun, styrktarþjálfun og útivist
skynji mikilvægi þess að hreyfa sig reglulega
átti sig á að í nánasta umhverfi eru ýmis tækifæri til íþróttaiðkunar og útivistar
fái innsýn inn í heim útivistarmannsins

Skipulag náms:
Náminu verður skipt upp í þrjár lotur sem hver um sig er 24 kennslustundir

Haustlota; þolþjálfun

þríþraut - hjóla, synda og hlaupa
fræðsla um þolþjálfun
hjólaferðalag út fyrir bæinn einn laugardag í september

Vetrarlota; styrktarþjálfun

stöðvaþjálfun, þrautabraut, skólahreysti og yoga
fræðsla um styrktarþjálfun
heimsókn í líkamsræktarstöð

Tímarnir hefjast stundvíslega klukkan 7:00 æskilegast er að nemendur mæti 5. mínútum fyrr. Tímarnir eru 50 mínútur og hafa nemendur þá 10 mínútur til að fara í sturtu og koma sér í tíma. Boðið verður upp á rútu frá sundlaug Kópavogs. Gott er að hafa ávexti og/eða vatnsbrúsa með sér.

DAGUR	HVAÐ ER GERT	HVAR
21/2 mánudagur	Umræður, leikir , slökun.	Kópavogsskóli
23/2 miðvikudagur	Stöðvaþjálfun	Kópavogsskóli
02/3 miðvikudagur	Stöðvaþjálfun	Kópavogsskóli
04/3 föstudagur	Yoga	Kópavogsskóli
07/3 mánudagur	Stöðvaþjálfun	Kópavogsskóli
09/3 miðvikudagur	Stöðvaþjálfun	Kópavogsskóli
11/3 föstudagur	Vatnsleikfimi	Kópavogsskóli
14/3 mánudagur	Yoga	Sundlaug Kópavogs
16/3 miðvikudagur	Actic, tækjasalur	Sundlaug Kópavogs

Vorlota; útivist

heimsóknir frá/til björgunarsveit og útivistarfélög
útivist í Bláfjöllum t.d. skíði, gönguferðir, hellaskoðun
fjallganga t.d. gengið á Esjuna
stefnt verður að því að fara í ferðalag með hópinn einn laugardag í maí og jafnvel verður gist eina nótt
fræðsla um flest sem tengist útivist

Námsmat:

Áfanginn er próflaus. Virkni í tímum metin, hugarfar gagnvart viðfangsefninu, færni í að setja sér markmið og vilji til að ná settu marki. Einnig í er metinn þroski nemenda til að vinna saman í hóp t.d. hjálpsemi og virðing gagnvart sjálfum sér og öðrum.

Nemendur þurfa að:

Hafa gaman af að hreyfa sig Vera tilbúnir til að takast á við ýmis erfið líkamleg verkefni í íslensku veðri Hafa aðgang að reiðhjóli Eiga góða skó og hlífðarfatnað til að geta hreyft sig úti í íslenskri náttúru Hafa aðgang að bakpoka Geta mætt í þetta fag fyrir utan hefðbundinn kennslutíma.

Kennarar: Ragnar H. Róbertsson og Ásta Sigrún Gylfadóttir

MYNDMENNT

Markmið: Að nemendur kynnist ýmsum aðferðum í listsköpun og verði fær um að beita þeim. Skipulag náms: Boðið upp á þrjú ,,þemu" eitt á hveri önn

Grafik, dúkrista - svart/hvít - lituð, pappaþrykk, cartonþrykk, monoþrykk + handlituð carbon þrykk

Mótun, grunnur í leitmótun, uppbygging á verki m. t.d. pylsuaðferð, plötuaðferð, fingramótun og blandaðar aðferðir

Málun, akrílmálun, vatnslitun, blönduð tækni

Námsmat: Símat á verkum nemenda yfir hverja önn.

Heimanám: Nem. vinna skyssur heima og aðrar æfingar eftir því sem við á hverri önn.

Kennari: Hauður Kristjánsdóttir

SKÁK

Í skákvali verða kynntir ýmsir þættir skákarinnar; byrjanir, miðtafl, endatafl, skákþrautir og saga skákarinnar, einkum síðastliðin 150 ár. Hver tími mun byrja á einhverjum þessara þátta en síðan verður teflt og þá venjulega gengið út frá þeim atriðum sem fjallað hefur verið um í upphafi hvers tíma.

Kennari: Sigurður Þorsteinsson

SKÓLABLAÐ

Valgreinin skólablað er í þróun en leitast verður við að æfa nemendur í því að vinna að skólablaði og vinna efni til birtingar á heimasíðu skólans. Nemendur vinna ýmsar fréttir úr skólastarfinu, taka viðtöl við ýmsa aðila og vinna úr þeim.

*Gefið verður út fréttabréf nokkrum sinnum yfir skólaárið.

*Unnið verður að útgáfu Árshátíðarblaðs fyrir árshátíð skólans.

*Stefnt er að heimsóknum á fjölmiðla.

Kennarar: Signý H. Helgadóttir og Sigrún Ólöf Ingólfsdóttir

STUTTMYNDAGERÐ

Kennari: Marteinn Sigurgeirsson

Hugsað sem námskeið en leiðbeinandi hefur ekki verið ráðinn á þessu stigi málsins. Margir nemendur hafa verið að gera stuttmyndir og hafa óskað eftir slíku vali til að dýpka þekkingu sína og auka færni.

STÆRÐFRÆÐIGRUNNUR

Kennari: Guðný Sigurjónsdóttir

Í þessum áfanga er markmiðið að rifja upp atriði úr námsefni fyrri ára. Áhersla verður lögð á námsefni úr 7. og 8. bekk og aðferðir skoðaðar frá grunni. Reynt verður að byggja góðan grunn á stærðfræðiþekkingu sem nemendur geti byggt áframhaldandi nám á. Fyrirhugað er að skipta hópnum í tvo hópa, fer eftir fjölda þeirra sem velja.

Kennslugögn: Stuðst verður við námsbækur í stærðfræði fyrir unglingastig, ásamt því verða verkefni frá kennara og kennsluvefir notaðir.

Námsmat: Nemendur taka ekki próf í áfanganum en ýmis verkefni og verkefnaskil verða metin til einkunnar.

TEXTÍL

Vélsaumsverkefni þar sem saumaðar eru flíkur sem nemendur útfæra. Að auki er kennt prjón, hekl og endurvinnsla.

Markmið:

Að nemandinn verði fær um að:

beita helstu áhöldum, verkfærum og tækjum sem notuð eru við textílvinnu svo sem vélsaum, útsaum, tauþrykk og prjón.
skipuleggja eigið vinnuferli. þ.e. gera lauslega uppdrætti/skissu að verkefni.
nýta sér sniðblöð og handbækur við hönnun og útfærslu eigin hugmynda.
að þroska hæfileikann til að vinna hugmyndir sínar á mismunandi hátt í ólík efni og fá þannig útrás fyrir sköpunarþörf sína.
Kennarinn sýnir nemendum hentugar vinnuaðferðir auk þess sem unnið er eftir vinnulýsingum úr bókum og blöðum. Nemendur eru hvattir til að hanna og skreyta verkefni sjálfir eftir eigin hugmyndum.

Kennari: Arna Vignisdóttir