Námskrá

4. bekkur 2011-2012

Umsjónarkennarar eru:

4. B: Andrea Guðnadóttir. Heimastofa er nr. 202, á efri hæð skólans.

4. M: Heiður Þorsteinsdóttir. Heimastofa er nr. 204, á efri hæð skólans.

Samkvæmt viðmiðunarstundaskrá Menntamálaráðuneytis er nemendum í 4. bekk ætlað að vera 30 kennslustundir á viku í skólanum.

Stundaskrár bekkjanna er að finna á mentor.is

ÍSLENSKA

Kennarar: Andrea Guðnadóttir og Heiður Þorsteinsdóttir.

Talað mál, hlustun, áhorf, lestur og bókmenntir

Markmið:

Að nemandi:

Temji sér skýran og áheyrilegan framburð.
Verði fær um að standa fyrir máli sínu og tjá sig frammi fyrir hópi.
Kunni að afla sér upplýsinga úr bókum og af Netinu.
Þekki hugtökin söguþráð, sögupersónur og boðskap.
Kunni nokkur ljóð og flytji þau fyrir aðra.

Leiðir:

Nemandi les upphátt í skólanum og heima þar sem áherslan er lögð á skýran og eðlilegan framburð. Hann velur sér bækur við hæfi á skólasafni, tekur þátt í samlestri og vinnur með texta á bókmenntalegan hátt. Nemendur svara efnislegum spurningum úr námsefninu, kynna verkefni sem þeir hafa unnið, ýmist einir eða í hópi. Nemendur horfi á fræðslu- og myndefni, leikþætti og söngatriði ýmist á sal eða í heimastofu.

Námsgögn:

Lesum meira saman, Iðunn Steinsdóttir tók saman. Sögusteinn útgefin af Námsgagnastofnun, Litlu landnemarnir eftir Iðunni Steinsdóttur, ásamt vinnubók, og bækur af bókasafni skólans. Valin ljóð úr ýmsum bókum.

Námsmat:

Próf í lestri tvisvar á vetri, vinnubækur metnar og umsögn gefin.

Málfræði og ritun

Markmið:

Að nemandi:

Geti skrifað skýrt og læsilega.
Átti sig á að íslenska er beygingamál.
Hafi kynnst mismunandi hlutverkum nafnorða, lýsingarorða og sagnorða.
Þekki mun samnafna og sérnafna.
Þekki hugtökin samheiti og andheiti.
Þekki einfaldar stafsetningarreglur, svo sem um stóran staf á eftir punkti og í sérnöfnum, reglur um sérhljóð á undan ng og nk.

Leiðir:

Nemendur vinna margvísleg verkefni til þjálfunar í íslenskri málfræði og málnotkun, skrifa stutta texta, byggja upp einfaldar frásagnir, sögur, ævintýri og ljóð og flytja fyrir bekkjarfélaga.

Námsgögn:

Ritrún 3 eftir Kolbrúnu Sigurðardóttur og Þóru Kristinsdóttur, Skinna verkefnabók 1 eftir Gísla Ásgeirsson og Þórð Helgason, Þristur eftir Kristínu Einarsdóttur og Stefaníu Björnsdóttur, Skrift 4 og Skrift 5 eftir Björgvin Jósteinsson, Kristbjörgu Eðvaldsdóttur og Þóri Sigurðsson, Stafsetning eftir Árna Þórðarson og Gunnar Guðmundsson og margvísleg önnur verkefni. Móðurmál 1. hefti eftir Ársæl Sigurðsson auk fjölritaðra verkefna.

Námsmat:

Próf tvisvar á vetri við lokmiðannar og vorannar og kannanir í stafsetningu öðru hverju yfir veturinn.

STÆRÐFRÆÐI

Kennarar: Andrea Guðnadóttir og Heiður Þorsteinsdóttir.

Markmið:

Nemandi á að:

Geta lesið og skrifað tölur, einföld töluleg gögn og stærðfræðilegan texta.
Geta beitt skipulegum aðferðum við lausnir verkefna og þrauta.
Hafa kynnst mikilvægi röksemdarfærslna í stærðfræði.
Gera sér grein fyrir því hvernig hægt er að nota stærðfræði í daglegu lífi og á öðrum sviðum.
Hafa náð góðum skilningi og færni í einföldum reikningi með náttúrulegar tölur og tugabrot.
Hafa kynnst hlutföllum milli stærða og geta notað þau við lausnir einfaldra hagnýtra verkefna.
Hafa unnið með mynstur í því skyni að segja fyrir um framhaldið og finna almenna reglu.
Kunna skil á nokkrum algengum hugtökum sígildrar rúmfræði.
Kunna ýmsar aðferðir til að flokka og setja fram töluleg gögn.

Leiðir:

Nýjar aðferðir kynntar á töflu og með skjávarpa. Unnið er með náttúrulegar tölur frá einum og upp í tíu þúsund. Þjálfun í að safna gögnum og setja fram í töflum og myndritum. Ýmiss konar stærðfræðiverkefni notuð til frekari þjálfunar, s.s. með hugarreikningi, ýmsum spilum og leikjum. Unnið með metrakerfið með ýmsum verkefnum og mælingum í umhverfi nemenda.

Námsgögn:

Sproti 4a og 4b. Eining 7 og Eining 8, Lína 7 og Lína 8, Viltu reyna? Í undirdjúpunum, Verkefni fyrir vasareikni, Merkúríus, Stefnum á deilingu. Útgefið af námsgagnastofnun. Verkleg þjálfun með verkfærum, s.s. vogum, málböndum, kubbum, skeiðklukku, ýmsum spilum, leikjum o.fl.

Námsmat: Próf tvivar á ári og umsögn við lok haustannar.

Kannanir eru lagðar fyrir reglulega ásamt prófum við lok miðannar og vorannarTalað mál, hlustun, áhorf, lestur og bókmenntir

Markmið:

Að nemandi:

Temji sér skýran og áheyrilegan framburð.
Verði fær um að standa fyrir máli sínu og tjá sig frammi fyrir hópi.
Kunni að afla sér upplýsinga úr bókum og af Netinu.
Þekki hugtökin söguþráð, sögupersónur og boðskap.
Kunni nokkur ljóð og flytji þau fyrir aðra.

Leiðir:

Nemandi les upphátt í skólanum og heima þar sem áherslan er lögð á skýran og eðlilegan framburð. Hann velur sér bækru við hæfi á skólasafni, tekur þátt í samlestri og vinnur með texta á bókmenntalegan hátt. Nemendur svara efnislegum spurningum úr námsefninu, kynna verkefni sem þeir hafa unnið, ýmist einir eða í hópi. Nemendur horfi á fræðslu- og myndefni, leikþætti og söngatriði ýmist á sal eða í heimastofu.

Námsgögn:

Lesum saman og Lesum meira saman, Iðunn Steinsdóttir tók saman. Sögusteinn útgefin af Námsgagnastofnun, Litlu landnemarnir eftir Iðunni Steinsdóttur, ásamt vinnubók, og bækur af bókasafni skólans. Valin ljóð úr ýmsum bókum.

Námsmat:

Próf í lestri tvisvar á vetri, vinnubækur metnar og umsögn gefin.

SAMFÉLAGSFRÆÐI

Kennarar: Andrea Guðnadóttir og Heiður Þorsteinsdóttir.

Markmið:

Nemandi á að:

Gera sér grein fyrir mikilvægi fjölskyldunnar í gegnum söguna og hvernig menn búa í mismunandi fjölskyldugerðum við ólíkar efnahagslegar og félagslegar aðstæður í heiminum.
Geta gert grein fyrir nokkrum þáttum fjölskyldulífs fyrri kynslóða.
Hafa öðlast skilning á margbreytileika mannlífs í tíma og rúmi í sögunáminu og öðlast virðingu fyrir menningu annarra þjóða.
Geta sagt frá nokkrum atburðum og persónum sem koma við sögu lands og heimabyggðar.
Þekkja til Íslendingasagnanna og valinna persóna sem þar er sagt frá.
Geta nefnt dæmi um það sem er líkt og ólíkt í húsnæði, klæðaburði, mataræði, heimilislífi, menntun, siðum og venjum nú og á öðru tímaskeiði.
Þjálfast í lestri og framsetningu á einföldum töflum og geta sett fram á myndrænan hátt upplýsingar sem hann hefur aflað sjálfur.
Geta sagt frá nokkrum sögufrægum persónum, t.d. sæförum og landkönnuðum.
Geta fjallað um upphaf og þróun mannsins.
Vita hvað fornleifar og fornminjar eru og hvernig þær veita upplýsingar um sögu mannsins.
Kannast við og hafa kynnt sér valda atburði úr sögu fornaldar.
Geta raðað atburðum í tímaröð, m.a. með því að teikna tímaás.
Hafa þjálfast í að flytja mál sitt, svara fyrirspurnum, rökræða niðurstöður og taka gagnrýni.

Leiðir:

Kennsluaðferðir í samfélagsfræði eru samlestur námsbóka, samræður, frásögn, leikir, vettvangskannanir, texta- og myndvinna.

Námsgögn:

Ísland landið okkar, eftir Þóru Kristinsdóttur. Komdu og skoðaðu sögu mannkyns og Komdu og skoðaðu landnámið, Komdu og skoðaðu íslenska þjóðhætti útgefið af Námsgagnastofnun. Ýmis önnur gögn.

Námsmat:

Vinnubók nemenda metin ásamt virkni og vinnusemi í kennslustundum.

KRISTINFRÆÐI, SIÐFRÆÐI OG TRÚARBRAGÐAFRÆÐI

Kennarar: Andrea Guðnadóttir og Heiður Þorsteinsdóttir.

Markmið:

Nemandi á að:

Kunna skil á Biblíunni sem trúarbók kristinna manna og þekkja vel nokkrar mikilvægar frásagnir af Jesú Kristi og kenningum hans, svo og öðrum persónum í Biblíunni, bæði í Gamla- og Nýja testamentinu.
Þekkja helstu hátíðir kristninnar og siði og tákn sem tengjast þeim.
Hafa kynnst listrænni tjáningu trúar og fengið tækifæri til listrænnar tjáningar eigin hugmynda.
Hafa kynnst öðrum trúarbrögðum, svo sem gyðingdómi, íslam, búddadómi og hindúasið, lífsviðhorfum og menningu, m.a. með frásögnum af jafnöldrum.
Hafa kynnst helgihaldi, siðum og nokkrum hátíðum helstu trúarbragða heims.

Leiðir:

Samlestur, umræðutímar, listræn vinna einstaklingslega eða í hópum og önnur myndsköpun eða tjáning.

Námsgögn:

Birta eftir Iðunni Steinsdóttur og Sigurð Pálsson og Trúarbrögðin okkar útgefin af Námsgagnastofnun.

Námsmat:

Vinna, virkni og vinnubók nemenda metin.

LÍFSLEIKNI

Kennarar: Andrea Guðnadóttir og Heiður Þorsteinsdóttir.

Markmið:

Nemandi á að:

Geta sett hugtakið jafnrétti í margbreytilegt samhengi.
Geta tjáð hugsanir, skoðanir, tilfinningar og væntingar.
Geta sýnt tillitssemi.
Geta sett sig í spor annarra.
Hafa áræði til að spyrja gagnrýninna spurninga.
Sýna frumkvæði og sköpun í vinnubrögðum.
Vita hvað átt er við með markmiðum og hvernig fólk notar markmið til að ná því sem að er stefnt.
Vera fær um að setja sér raunhæf markmið að eigin frumkvæði.
Gera sér grein fyrir að ekki eru allir eins og bera virðingu fyrir sérstöðu annarra.
Gera sér grein fyrir mismunandi fjölskyldugerðum og stöðu einstaklinga innan þeirra.
Geta leitað eftir upplýsingum og leiðbeiningum til að rata um umhverfi sitt, t.d. eftir munnlegum fyrirmælum eða vegvísum.
Gera sér grein fyrir gildi listar og listsköpunar í umhverfinu.

Leiðir:

Námsbækur samlesnar, umræður, verkefni unnin og leiknir ýmsir samskiptaleikir.

Námsgögn:

Spor 4, lífsleikni fyrir 4. bekk eftir Elínu Elísabetu Jóhannsdóttur.

NÁTTÚRUFRÆÐI

Kennarar: Andrea Guðnadóttir og Heiður Þorsteinsdóttir.

Markmið:

Nemandi á að:

Kynnast kröftum í daglegu lífi og gera sér grein fyrir að það þarf kraft til að draga hluti, ýta og snúa þeim og breyta lögun þeirra.
Átta sig á algengustu orkugjöfum í umhverfinu og hvernig hægt er að spara orku.
Þekkja að ljós er samsett úr ýmsum litum.
Kynnast eiginleikum segla.
Geta borið saman plöntur og dýr.
Geta lýst nokkrum einföldum en ólíkum lífsferlum lífvera, svo sem að fræ verður að plöntu.
Gera sér grein fyrir að dýr nærast á öðrum lífverum.
Átta sig á áhrifum árstíðabundinna breytinga á íslenskt lífríki.
Gera sér grein fyrir að maðurinn er hluti af náttúrunni og lífsafkoma hans byggist á samspilinu við hana.
Gera sér grein fyrir því að yfirborð jarðar er mismunandi.
Gera sér grein fyrir því að jörðin er í stöðugri þróun og hefur tekið miklum breytingum á löngum tíma.

Leiðir:

Námsbækur samlesnar, umræður, verkefni unnin og tilraunir gerðar og náttúran rannsökuð.

Námsgögn:

Náttúran allan ársins hring, eftir Sólrúnu Harðardóttur, Komdu og skoðaðu hringrásir, eftir Sigrúnu Helgadóttur, Ljós, Segull, eftir Tom Fox.

Námsmat: Vinna, virkni og vinnubók nemenda metin.

Vinnubók nemenda metin ásamt virkni og vinnusemi í kennslustundum.

MYNDMENNT

Kennari:Hauður Kristinsdóttir

Markmið:

Að þroska hjá nemendum hæfileikann til að vinna sjálfstætt og á sinn sérstæða hátt að myndsköpun.
Að efla hæfni nemenda til samstarfs við aðra í sameiginlegum verkefnum.
Að þroska kunnáttu þeirra í meðferð og umgengni verkfæra.
Að efla getu nemenda til að skapa og njóta myndlistar.

Leiðir:

Efnið sem farið verður í krefst vandaðra vinnubragða. Áhersla verður lögð á:

Teikningu; nemendur vinna út frá sjálfum sér.
Litafræði; tengist litun og málun.
Mótun; leirvinna.
Þrykk; grafik.

Námsmat:

Metin ástundun, verkefni og virkni hvers einstaks nemanda.

ENSKA

Kennarar: Andrea Guðnadóttir og Heiður Þorsteinsdóttir.

Markmið:

Að nemandi:

Skilji einföld fyrirmæli.
Skilji einföld orð og setningar.
Skilji helstu kveðjur og almenna kurteisi í samskiptum.
Geti fylgt eftir einföldum texta með hljóði eða mynd til stuðnings.
Geti tekið þátt í samskiptaleikjum.
Geti tekið þátt í einföldu samtali, t.d. spurt og svarað.
Geti gefið einfaldar upplýsingar um sjálfan sig.
Geti lýst hlut eða mynd á einfaldan hátt.
Geti skrifað eftir fyrirmynd orð og einfaldar setningar.

Leiðir:

Lesnir verða einfaldir textar og unnið í verkefnabók.

Námsgögn:

Speak out, námsbók eftir Cecilia Nihlénog Laurie Gardenkrans ásamt verkefnabók Work out eftir sömu höfunda. Ýmis önnur verkefni.

Námsmat:

Vinna og virkni nemenda í kennslustundum metin.

UPPLÝSINGAMENNT OG TÖLVUNOTKUN

Kennari: Anna Björg Sveinsdóttir

Samkvæmt aðalnámskrá grunnskóla er upplýsingamennt þverfagleg námsgrein.

Með kennslu í upplýsingamennt er lögð áhersla á að kenna nemendum aðferðir og tækni við öflun, úrvinnslu og miðlun upplýsinga í tengslum við annað nám.

Á bókasafni skólans fá nemendur lánuð gögn og bækur. Þar vinna þeir ýmis verkefni í tengslum við mismunandi námsgreinar.

TÖLVUR

Markmið:

Að nemendur þjálfist í fingrasetningu.
Að nemendur læri um ritvinnslu.
Að nemendur fái frekari þjálfun í notkun kennsluforrita.

Leiðir:

Tölvunotkun er fléttuð við sem flestar námsgreinar.

Kennd verður fingrasetning í forritinu Ritfinni til að nemendur öðlist færni í blindskrift. Nokkrir tímar verða teknir í að kynna ritvinnsluforritið Word, Internetið og fleiri kennsluforrit.

Kennslugögn:

Ritfinnur, ritvinnsluforritið Word og teikniforritið Paint. Internetið, nams.is og Skólavefurinn.

Námsmat:

Símat, vinna hvers tíma er skráð og fingrasetning skoðuð.

TEXTÍLMENNT

Kennari: Margrét Inga Bjarnadóttir

Markmið:

Nemandi:

Læri að fitja upp í prjóni.
Prjóni garðaprjón.
Læri að fella af í prjóni.
Læri að sauma saman prjónles og ganga frá endum í prjónlesi.
Læri að hekla snúru, snúa band eða hnýta.
Þjálfist í að sauma beina sauma á saumavél.
Þjálfist í að þræða yfirtvinna á saumavél.
Noti útsaum til skreytinga.
Noti taumálun/þrykk til skreytinga.
Geti notað hugtök og heiti sem tengjast viðfangsefnum greinarinnar.

Leiðir:

Kennari sýnir nemendum þær aðferðir sem henta hverju sinni. Nemendur notist við handbækur í prjóni eða uppskriftir kennara.

Námsmat:

Metin eru verkefni og virkni hvers nemanda.

HÖNNUN OG SMÍÐI

Kennari: Valdór Bóason

Markmið:

Að nemandinn:

Verði virkur í námi sínu í smíðastofunni.
Kunni að bora fyrir dílum og skrúfum og geti notað rafhlöðuvél.
Þekki og geti notað grunnverkfærin hamra, sagir og raspa.
Þekki öryggisreglur í smíðastofunni.
Þekki bitjárn og viti til hvers þau eru notuð.

Leiðir:

Nemandinn leysi einföld verkefni á sjálfstæðan hátt og nýti eigin hugmyndir við vinnu sína. Nemandi læri að nota sandpappír og þekkja meðferð hans. Nemandi venjist á að ganga frá þeim verkfærum sem hann notar. Hann smíði gripi við sitt hæfi og getu og vinni verkefni í málma.

Námsgögn:

Verkefnabanki smíðakennara.

Námsmat:

Samkvæmt námskrá eru þessir þættir teknir til athugunar:

Umgengni og hegðun.
Virkni og vinnubrögð nemandans.
Kennari metur lokaafurð nemenda.

TÓNMENNT

Kennari: Skarphéðinn Þór Hjartarson

Markmið:

Að vekja og efla áhuga á tónlist.
Að veita nemendum fræðslu um tónlist og auka þekkingu þeirra á ýmsum fyrirbærum tónlistar.
Að vekja nemendur til umhugsunar um tónlist og örva þá til gagnrýni.
Að gera grein fyrir stöðu og hlutverki tónlistar í samfélaginu.

Námsefni:

Tónmennt 1. - 4. hefti, kennslubók, Tónmennt 1. - 3. hefti, söngvasafn, Tónmennt 3. hefti, vinnubók, Syngjum saman, vinnubókarblöð frá kennara og ýmislegt fleira.

Tæki og hjálpargögn:

Ýmis hljóðfæri, heimagerð hljóðfæri, fjölbreytt hlustunarefni, tölva og skjávarpi og ýmislegt fleira.

Áhersla á íslenska tónlist og aðra þjóðlega tónlist frá ýmsum löndum svo og hljóðfærakynningar og hefðbundna hljóðfæraflokka.

Helstu leiðir að markmiðum eru:

Að læra fjölbreytt sönglög og ekki síst íslensk lög og ljóð.
Að leika undir á skólahljóðfæri stef og eigin útsetningar og annarra.
Að hlusta á tónlist, ræða um hana og skilgreina.
Að spinna á skólahljóðfæri.
Að ræða og skilgreina hljóðheiminn í kringum okkur.
Að semja tónlist/hljóðlist út frá myndum, táknum, sögum og ljóðum.
Tónlistarleikir til að þjálfa algeng tákn og hugtök í tónlist.

Heimavinna er engin.

Námsmat:

Metinn er frágangur vinnubókar, þátttaka í söng, hópvinnu, samspili og hlustun.

ÍÞRÓTTIR

Kennari: Ásta Sigrún Gylfadóttir og Ragnar Róbertsson

Fyrstu skólaárin hafa börn yfirleitt mikla hreyfiþörf, gleðjast yfir hverjum leik og eru með rannsóknarhug. Við skipulagningu kennslunnar þarf að koma til móts við þessa þætti. Leikir og markvissar æfingar, sem stuðla að eflingu skynfæra líkamans og styrkja gróf- og fínhreyfingar, eru þættir sem skipa stóran sess í íþróttakennslu fyrstu skólaárin. Þá skal einnig tengja áðurnefnda þætti við markvissa uppbyggingu á almennri líkamshreysti og þreki. Á fyrstu skólaárunum læra börnin smám saman að öðlast stjórn á líkama sínum og mótast sem heilsteyptir einstaklingar. Því þarf að leggja ríka áherslu á að þau öðlist jákvætt viðhorf til hreyfingar og að sjálfsmynd þeirra eflist með þátttöku í leikjum og fjölbreyttri hreyfingu.

Helstu viðfangsefni eru: Grunnþjálfun, ýmsir leikir og æfingar, þrautabrautir, hringþjálfun, knattleikir og æfingar með bolta, fimleikar, frjálsíþróttir, útivera, stöðvaþjálfun, teygjur og slökun.

Námsgögn: Bækur og rit um íþróttir, líkamsrækt og leiki. Ýmsir boltar og ýmis áhöld stór og smá.

Námsmat:

Byggist að nokkru leyti á hlutlægu mati þ.e. ýmiss konar prófum og könnunum en líka á huglægu mati þ.e. metinn er áhugi nemenda á námsefninu, virkni þeirra í tímum, hegðun og framkoma.

Íþróttafatnaður:

Í útileikfimi er áríðandi að nemendur komi í fötum sem þægilegt er að hreyfa sig í. Þegar nemendur byrja inni í sal er eftirfarandi útbúnaður nauðsynlegur fyrir 4. - 10. bekk: Stuttbuxur, bolur, léttir íþróttaskór og handklæði. Í 4. - 10. bekk er æskilegt að vera í íþróttaskóm.

Sund

Kennari: Ásta Sigrún Gylfadóttir

Tímabil: 6. september - 10. desember

Markmið:

Að nemandi:

Fái jákvæða upplifun í kennslustundum og njóti þess að sækja sundtíma.
Taki þátt í æfingum, með og án áhalda, sem tengja saman mismunandi sundhreyfingar.
Taki þátt í ólíkum sundleikjum sem krefjast athygli, hlustunar, samvinnu og samhæfingar.
Geti kafað eftir hlut.
Geti kastað björgunarhring og komið samnemanda sínum að landi.

Leiðir:

Kennari fylgir nemendum að því svæði sem kennt er á. Kennari er á bakka og stjórnar æfingum og leikjum

Námsgögn

Bækur og ljósrit í eigu kennara. Korkur og ýmis smááhöld.

Helstu viðfangsefni eru:

Nemandi tekur þátt í fjölbreyttum undirbúningsæfingum sem leggja grunn að bringu-, skólabak-, skrið-, bak- og flugsundi. Einnig tekur nemandi þátt í ýmsum leikjum sem efla kraft, hraða og viðbragð.

Námsmat:

Próf:

25 m bringusund.
12 m skólabaksund.
12 m skriðsund með eða án hjálpartækja.
12 m baksund með eða án hjálpartækja.
Stunga úr kropstöðu.

Námsmat byggist á frammistöðu í prófi. Nemandi fær umsögnina lokið eða ólokið.

Sundfatnaður: Áríðandi er að nemendur mæti í sundfötum sem gott er að synda og hreyfa sig í. Æskilegasti fatnaður er sundskýla og sundbolur, ekki sundbuxur eða bikiní. Annar útbúnaður er handklæði, hárbursti og, ef þurfa þykir, sundhetta og /eða sundgleraugu.