Fréttir
19.12.2008
Litlu jólin
Jólaskemmtanir nemenda fóru fram 18. og 19. desember. Að kvöldi 18. desember var skemmtun unglingadeilda. Þar voru margs konar skemmtiatriði sem nemendur höfðu undirbúið. Má þar nefna tvísöng, hljóðfæraleik, frumlega uppsett leikrit og stuttmyndir. Gengið var í kringum jólatré og endað með dansi. Jólaskemmtun yngsta stigs var föstudaginn 19. desember kl. 9:00. Þar spiluðu félagar úr Skólahljómsveit Kópavogs, nemendur 4. bekkjar fluttu helgileik og síðan var gengið í kringum jólatréð. Miðstig var með sína skemmtun kl. 11:00 sama dag. Þar var einnig hljóðfæraleikur Skólahljómsveitar og helgileikur í flutningi 7. bekkjar. Sá hópur gekk einnig í kringum jólatréð og söng af hjartans lyst.
Sjá myndir á myndasíðu.
19.12.2008
Gjábakki
Ţað er orðin hefð hjá okkur í þriðja bekk að fara á Gjábakka og syngja þar á aðventunni. Skarphéðinn tónmenntakennari kom með okkur og við sungum nokkur lög. Allir fengu svo ávexti áður en labbað var til baka í skólann.
19.12.2008
Heimilisfrćđival
Í síðasta tímanum fyrir jól voru miklar kræsingar á borðum hjá valhópum 9. bekkjar í heimilisfræði, Doritos kjúklingur og heimalagaður ís með súkkulaðisósu. Allir voru ánægðir með hvernig til tókst og nutu þess að borða.
18.12.2008
Kirkjuferđ á ađventu
Hin árlega kirkjuferð í Digraneskirkju var farin miðvikudaginn 17. desember. Gengið var til kirkjunnar í blíðskaparveðri. Yngri nemendur kl. 10:00 og eldri nemendur kl. 11:00. Þetta var hátíðleg stund þar sem nemendur úr 8. og 9. bekk ásamt Skólahljómsveit Kópavogs sáu um dagskrá. Aðventukertin voru tendruð og prestar lásu jólaguðspjallið. Einnig voru jólasálmar sungnir.
15.12.2008
Skákmót
Bekkjamóti Kópavogsskóla í skák er nýlokið. Sex bekkir tóku þátt í keppninni en keppt var á fjórum borðum. Í eldri flokki ( 8. – 10. bekkur ) vann sveit 8. bekkjar með 5 vinninga, í öðru sæti varð sveit 10. bekkjar með 4 ½ vinning og í þriðja sæti sveit 9. bekkjar með 2½ vinning. Í yngri flokki ( 5. – 7. bekkur) vann sveit 6. bekkjar með 6½ vinning, í öðru sæti varð sveit 5. bekkjar með 4½ vinning og í þriðja sæti sveit 7. bekkjar með 1 vinning. Í morgun voru afhentar viðurkenningar fyrir árangurinn. Sjá myndir.
Nánari upplýsingar er að finna i fréttabréfi skólans.
4.12.2008
Jólin hennar Jóru
Í dag, fimmtudag 4. desember, komu leikararnir Eggert Kaaber og Katrín Þorkelsdóttir úr Stoppleikhópnum með leikritið Jólin hennar Jóru og sýndu fyrir nemendur 1. - 5. bekkjar. Leikritið er jólaævintýri unnið undir áhrifum frá þjóðsögunum og segir frá Jóru litlu sem er tröllastelpa sem býr uppi í fjöllum. Einn daginn stelur hún jólakíkinum hans Skrepps, en hann er einn besti aðstoðarmaður jólasveinanna.
Leit
Tilkynningar
Stjórnborđ
