Gildisgrunnur Kópavogsskóla

GILDISGRUNNUR KÓPAVOGSSKÓLA

Kerfið sem Kópavogsskóli notar fyrir innra mat heitir Siðferðileg reikningsskil (Etisk regnskab) og er danskt að uppruna. Kerfið byggir á átta þrepa hringferli sem felur í sér símat og uppfyllir ágætlega þær viðmiðanir sem menntamálaráðuneytið setur um sjálfsmat skóla. Ákveðið var að innleiða kerfið í skólastarf Kópavogsskóla 12. febrúar 1998 og sérstakur ráðgjafi ráðinn til að fylgja þróunarferlinu eftir.

Haustið 1998 voru myndaðir umræðuhópar innan skólasamfélagsins. Þrír hópar starfsmanna, tveir hópar foreldra og tveir hópar nemenda til að fjalla um væntingar sínar og viðhorf til skólastarfsins. Gögn frá hópunum voru síðan notuð til að semja sérstaka spurningalista sem voru lagðir fyrir nemendur, foreldra og starfsfólk vorið 1999. Rannsóknarstofnun Kennaraháskóla Ísland sá um úrvinnslu listanna og niðurstöður lágu fyrir haustið 1999. Spurningalistarnir voru aftur sendir út vorið 2004 og vorið 2008 en í seinna skiptið var búið að endurskoða þá og uppfæra lítillega út frá þeirri þróun sem hafði átt sér stað á milli fyrirlagna.

Skólaárið 2009-2010 var gildisgrunnur skólans síðan endurskoðaður í heild. Ekki var hreyft við gildunum sjálfum en farið yfir öll markmið og leiðir að þeim ásamt því að skoða sérstaklega með hvaða hætti mætti meta árangurinn. Næsta skref er að endurskoða spurningalistana með tilliti til endurskoðaðra gilda og leggja þá fyrir alla hópa skólasamfélagsins.

Gildin 6 eru:

Jákvæður starfsandi

Markmið

Að í skólanum ríki metnaður sem hefur áhrif á vellíðan nemenda, þannig að tíma þeirra sé vel varið, sem leiðir til ánægju þeirra.
Að í skólanum sé umhyggja borin fyrir nemendum með gagnkvæmri virðingu og jákvæðum aga.
Að góð samskipti og upplýsingastreymi sé gagnkvæmt milli starfsfólks og foreldra.
Að jákvæðni og góður starfsandi ríki milli starfsfólks.

Leiðir

Að skipulag skólastarfsins sé skýrt og að gott aðgengi sé að skólastjórnendum.
Að nemendur og starfsfólk hafi jákvæða sýn á þeim gildum sem skólinn vinnur eftir.
Komið sé fram við alla af sanngirni, virðingu og umhyggju.
Stuðlað sé að aukinni samvinnu ólíkra aldurshópa í námi og leik.
Kennslan sé oftar brotin upp með t.d. hreyfingu, vettvangsferðum eða einhverju öðru.

Mat

Lagðar fyrir kannanir um líðan nemenda og starfsfólks og niðurstöður þeirra nýttar á viðeigandi hátt.
Starfsandi sé ræddur í starfsmannaviðtölum við skólastjórnendur.

Agi í framkomu og vinnubrögðum

Markmið:

Virðing ríki milli allra aðila innan skólasamfélagsins
Vinnubrögð og samskipti nemenda og starfsfólks eru fagleg og metnaðarfull
Samstaða um agamál

Leiðir:

Skólanámskrá
Skipulag sérkennslu/sérdeildar
Verklagsreglur/starfslýsing starfsmanna
Siðareglur starfsmanna
Skólareglur
Skipulag gæslu í frímínútum
Námsáætlanir kennara
Viðbragðsáætlanir (forvarnaáætlun, eineltisáætlun, rýmingaráætlun)
Þróunarverkefni: Uppeldi til ábyrgðar,

samþætting - Fjölfærni í list- og verkgreinum og bóklegum greinum

Mat:

Kannanir lagðar fyrir starfsfólk, nemendur og foreldra
Virkt námsmat (símat, formleg próf, umsagnir)

Verkefni taki mið af hæfni og getu einstaklinga

Markmið:

efla sjálfstraust, sjálfstæði og félagsfærni
aukið samstarf og hópavinna
verkefni við hæfi
tryggja aðgengi nemenda að rafrænu námsefni
tryggja samstarf kennara
að vinnuaðstaða nemenda sé góð

Leiðir:

Uppeldi til ábyrgðar
kenna krökkum að koma fram
undirbúningstíma kennara verði samræmdur
heimanám miðist við ákv. tímalengd og frávik gerð í samstarfi við foreldra
fjölbreytt námsgögn, bókleg, rafræn, verkleg
tölvur gerðar færanlegar á vögnum/eyjum

Mat:

huglægt mat kennara
sjálfsmat nemenda
rafræn könnun fyrir kennara
huglægt mat og umræður á fundum
könnun til foreldra, nemenda og kennara

Gagnkvæm virðing í samskiptum

Markmið:

að samskipti í skólasamfélaginu einkennast af virðingu, kurteisi, tillitssemi,trausti og umburðarlyndi
að starfsmenn, nemendur og foreldrar tileinka sér háttvísi í allri framkomu
að trúnaður og þagnarskylda eru höfð að leiðarljósi þar sem við á
að samskipti heimilis og skóla eru ábyrg og framsækin
að starfsmenn sýna samábyrgð gagnvart þeim ákvörðunum sem teknar eru í skólanum

Leiðir:

Uppeldi til ábyrgðar verði virkt.
Bekkjarsáttmálar taki mið af markmiðum gildisins. Nauðsynlegt er að kynna þá alla fyrir öllum á almennum fundi. Einnig þurfa sérgreinakennarar að hafa bekkjarsáttmálana við hendina.
Skólareglur, almenn kurteisi og virðing ríki í samskiptum.
Fáar og skýrar reglur sem algjör samstaða er um að fylgja alls staðar þar sem nemendur eru í leik og starfi sem tengist skólanum.
Hlutverk umsjónarkennara er að sjá um í upphafi skólaárs að nemendum séu allar reglur ljósar.
Setja þarf reglur í mötuneyti.
Trúnaður og þagnarskylda virt í hvívetna.
Kynna starfsemi skólans og fá foreldra til að kynna starf sitt og/eða áhugamál eða vera með annað innlegg í skólastarfið.

Mat:

Kanna líðan nemenda og starfsfólks með rafrænum könnunum (og viðtölum).

Virk samvinna sem byggist á ábyrgð hlutaðeigandi [g1]

Markmið:

Að starfsmenn, nemendur og foreldrar skapi sem best skilyrði fyrir skólagöngu nemenda.

Að nemendur séu virkir í samvinnu til náms og samskipta við aðra nemendur og starfsfólk skólans.
Að foreldrar beri ábyrgð á skólagöngu barna sinna s.s. hegðun, mætingum, heimavinnu, nesti og að foreldrar séu virkir í samvinnu í skólasamfélaginu við aðra nemendur, starfsfólk og foreldra.
Að góð samvinna sé milli stjórnenda og starfsmanna og starfsmanna innbyrðis.

Leiðir:

Gagnsæi milli stiga
Starfsmannasáttmáli
Gagnkvæm notkun Mentor
Foreldranámskeið í uppeldi til ábyrgðar
Fáar en skýrar reglur
Bekkjasáttmáli
Lífsleikni
Hreyfing - útivist
Möguleikar á vali
Opna foreldrum leið til að koma meira í skólann til ákveðinna verkefna
Raða verkefnum fyrir hvern árgang.
Bekkjaráð
Stjórn skóla
o Starfsmannasamningar (sáttmáli)
o Starfslýsingar (skýrar verklýsingar)

Mat:

Þarfirnar fimm(ánægjuvogin) (öryggi - umhyggja - stjórnun - gleði - frelsi)
Huglægt mat
Gátlisti - skoðunarkönnun í tölvunni
Starfsmannaviðtöl
Foreldraviðtöl
Nemendaviðtöl (samskiptagátlisti)
Einkaviðtöl við nemendur eftir þörfum a.m.k. þrisvar á vetri, nota viðtalstíma og samskiptagátlista.

Allir hlutaðeigandi vinna að matinu

Gagnkvæmt upplýsingastreymi milli heimilis og skóla -

og innan skóla

Markmið:

að foreldrar/forráðamenn og starfsmenn ræða og upplýsa um námsgengi og líðan einstakra nemenda og láti vita um breytta fjölskylduhagi þeirra
að foreldrar fá upplýsingar um hvað gerist í skólanum og taka þátt í umræðum um skólastarfið
að gagnkvæmt upplýsingastreymi ríki milli stjórnenda og starfsmann um það sem gerist í skólanum.

Leiðir:

viðtalstímar,skólakynningar kl. 8:00 morgni,foreldrafundir/Mentor
kynningar - og fræðslufundir, bekkjarstjórnir/árgangastjórnir, heimasíða, fréttabréf, fjölpóstur, Mentor, fjölskyldudagur.
skólaráðsfundir/starfsmannafundir/kennarafundir/deildafundir/tölvupóstar/auglýsingatafla á Starfsmannastofu/flettiskjár/innra net

Mat:

spurningalistar til allra í skólasamfélaginu (3-4 ára)ára fresti
eitt gildi tekið fyrir á önn, könnun í starfsmannahópnum í lok anna um það hvernig tókst til
telja heimsóknir á heimasíðu

Mikilvægt er að kynna gildin fyrir starfsfólki í upphafi hvers skólaárs

Innri siðferðileg reikningsskil

Deildastjórar og umsjónarkennarar vinni að því að innleiða innri siðferðileg reikningsskil í starfsemi árgangs og/eða deildar.

Deildastjórar leiði þá vinnu í samvinnu við umsjónarkennara, bekkjarstjórnir foreldra og nemendaráð og í samráði við stýrihóp siðferðilegra reikningsskila.

Vægi gilda geta því verið misjöfn eftir árgöngum og/eða deildum.

Verkefnið hefur verið styrkt af Kópavogsbæ, Þróunarsjóði grunnskóla, Verkefna- og námsstyrkjasjóði KÍ, Nordskol og Vísindasjóði Gæðastjórnunarfélags Íslands.

Verkefnið hlaut Foreldraverðlaun landssamtakanna Heimilis og skóla árið 2000.