Kennsluhćttir
Kennsla í Kópavogsskóla er skipulögð sem hefðbundin bekkjarkennsla þar sem hver nemandi tilheyrir ákveðinni deild og einum umsjónarkennara. Áhersla er þó lögð á að deildir sama árgangs vinni saman til að auka tengsl nemenda og efla samstarfshæfni þeirra. Á þemadögum er hópum síðan blandað saman þvert á deildir og aldur til að auka fjölbreytni ásamt því að lögð er áhersla á ýmsar uppákomur og heimsóknir utanaðkomandi aðila. Þar má nefna rithöfunda, vísindamenn, leikara og fl. Nemendur skólans fara í náms- og kynnisferðir á hverju skólaári en breytilegt er hvert farið er. Nemendur 7. bekkjar fara þó ávalt fimm daga ferð í skólabúðir að Reykjum í Hrútafirði. Nemendur 10. bekkjar fá markvissa kynningu á framhaldsskólum og heimsækja marga þeirra síðasta ár sitt í grunnskóla. Nokkrir nemendur 9. og 10. bekkjar stunda nám utan skólans. Þar er um að ræða skipulagt nám sem metið er til valgreina í 9. og 10. bekk, einingabært nám í framhaldsskólum (aðallega MK) og starfsnám í fyrirtækjum.
