Ólíkar ţarfir nemenda
Til að koma til móts við þarfir nemenda er reynt að bregðast við misjafnri stöðu þeirra í námi, ekki síður þeirra bráðgeru en þeirra sem þurfa sérstakan stuðning til að ná námsmarkmiðum. Mikið samstarf er við Menntaskólann í Kópavogi vegna nemenda sem vilja fara hraðar yfir og ljúka samræmdum greinum fyrr en við lok 10. bekkjar. Þeir geta sótt áfanga í MK og stundað því framhaldsnám í ákveðnum greinum samhliða grunnskólanámi. Þá er samstarf við Tækniskólann-skóla atvinnulífsins fyrir þá nemendur sem áhuga hafa á verkgreinum og starfstengdu námi. Einnig er samstarf við bifreiðaverkstæði vegna nemenda sem hafa áhuga á bifvélavirkjun sérstaklega. Kópavogsskóli metur einnig til valgreina ýmis skipulögð námskeið á vegum aðila utan skólans en skilyrði er að nemendur skili staðfestingu frá viðkomandi umsjónarmanni eða þjálfara. Frá haustinu 2007 hefur nemendum miðstigs staðið til boða að fara hraðar yfir námsefnið með að markmiði að ljúka grunnskólanámi við lok 9. bekkjar.
