Þróunarstarf

Ýmis þróunarstörf hafa verið unnin í skólanum á undanförnum árum. Má þar nefna eftirtalin verkefni:

Lestrarátak í unglingadeildum
Skólinn og samfélagið
Samstarf heimila og skóla
Ætlunarverk foreldraráðs og skóla
Samhæfð skólastefna/Siðferðileg reikningsskil
Ábyrgð í skólastarfi
Nemendamappan/Portfolio
European Language Portfolio - Evrópskur tungumálapassi.

Þessi verkefni hafa öll verið styrkt af Þróunarsjóði grunnskóla. Ýmis fleiri verkefni hafa verið unnin í skólanum þótt þau hafi ekki notið opinberra styrkja. Sum þeirra hafa hins vegar hlotið sérstakar viðurkenningar eins og verkefnið Öryggismál skóla sem hlaut viðurkenningu samtakanna Öryggi barna árið 1995.

Þá hefur skólinn átta sinnum verið tilnefndur til svonefndra foreldraverðlauna landssamtakanna Heimilis og skóla vegna þróunarstarfa og fékk þau verðlaun árið 2000 fyrir verkefnið Samhæfð skólastefna-siðferðileg reikningsskil. Kópavogsskóli fékk síðan hvatningarverðlaun Heimilis og skóla vorið 2009 fyrir Samstarfsverkefni Kópavogsskóla og Gjábakka en markmið þess er að leiða saman börn á yngsta stigi skólans og eldri borgara sem taka þátt í félagsstarfi aldraðra. Hóparnir gáfu út ljóða- og myndlistabók með verkum barna og eldri borgara vorið 2009. Þá var skólinn tilnefndur til Starfsmenntaverðlaunanna haustið 2005. Á skólaslitunum vorið 2006 fékk Kópavogsskóli Hvatningarverðlaun skólanefndar 2006 fyrir öflugt samstarf foreldra og skóla og aftur vorið 2009 fyrir samstarfsverkefni sitt og Gjábakka.

Skólaárið 2008-2009 var byrjað á þróunarverkefni sem fékk heitið FJÖLFÆRNI- samþætting list- og verkgreina og almennrar kennslu. Verkefnið er hugsað til þriggja ára og námskrá verður unnin fyrir hvert ár.

Fjölfærni - samþætting list- og verkgreina og bóklegrar kennslu í 1. bekk 2008-2009

Fjölfærni - samþætting list- og verkgreina og bóklegrar kennslu í 2. bekk 2009-2010

Fjölfærni - samþætting list- og verkgreina og bóklegrar kennslu í 1. bekk 2009-2010

Fjölfærni - samþætting list- og verkgreina og bóklegrar kennslu í 3. bekk 2010-2011

Veturinn 2009-2010 var hafist handa við innleiðingu uppeldisaðferðarinnar Uppeldi til ábyrgðar og það ferli er til margra ára. Nánari upplýsingar um það verk er að finna hér.