Uppeldi til ábyrgðar
Uppeldi til ábyrgðar er uppeldisstefna sem margir leik- og grunnskólar á Íslandi eru að innleiða og Kópavogsskóli er einn þeirra. Ákvörðun um að taka stefnuna upp var tekin á starfsmannafundi í maí 2009 og nokkrir starfsmenn skólans hafa nú farið á námskeið um stefnuna og innleiðingarferlið. Þau Guðlaug Erla Gunnarsdóttir skólastjóri Ingunnarskóla og Magni Hjálmarsson námsráðgjafi hafa komið í skólann með fyrirlestra og fræðslu fyrir starfsfólk og stýrihópur er nú starfandi innan skólans. Kynningarfundur var haldinn fyrir foreldra í lok september 2010 en það styrkir innleiðinguna og árangurinn ef sömu hugmyndafræði er beitt í skóla og á heimilum nemenda.Grundvallaratriðið í stefnunni er að kenna börnum og unglingum sjálfsstjórn og sjálfsaga á jákvæðan hátt. Markmiðið er að börn læri að stjórna sér betur, þau líti inn á við og skoði eigið gildismat með það markmið að fækka árekstrum. Langur tími getur liðið þar til allir fara að starfa eftir Uppeldi til ábyrgðar því nemendur þurfa í raun að alast upp í kerfinu. Því er um markmið til margra ára að ræða.
Hér fyrir neðan eru tenglar á lesefni og ýmsar upplýsingar sem gott er að kynna sér.
Ritgerðir:
Guðlaug Erla Gunnarsdóttir og Magni Hjálmarsson
Ýmsar upplýsingar:
Lyklakippan okkar í Kópavogsskóla : Stutt inngrip og leiðbeiningar í samskiptum við börn og unglinga.
Glærur frá kynningarfundi fyrir foreldra í Kópavogsskóla
Uppeldi til ábyrgðar á Facebook
Leit
Tilkynningar
Stjórnborð
