Stuðnings- og sérkennsla

Samkvæmt grunnskólalögum eiga allir nemendur rétt á kennslu við sitt hæfi. Til að koma til móts við mismunandi þarfir nemenda er skipulagi sérkennslunnar í skólanum þannig háttað að gerðar eru sérstakar námsáætlanir fyrir hvern nemanda eða nemendahóp sem hlýtur stuðning. Í þessum námsáætlunum koma fram markmið námsins og tilhögun þess.

Markmið sérkennslunnar eru m.a.:

·         að mæta þörfum nemandans

·         að styrkja sjálfsmynd og sjálfstæði nemandans

·         að efla hæfni nemenda til félagslegra samskipta

·         að auka færni nemenda í ákveðnum námsgreinum.

Leiðir: Fyrirkomulag sérkennslu getur verið með ýmsu móti. Reynt er að koma aðstoðinni sem mest inn í bekkjarheildina ef mögulegt er þannig að heildarnám raskist sem minnst. Stundum reynist nauðsynlegt að taka nemandann út úr kennslustund til frekari þjálfunar. Sérhæfni sérkennarans beinist að því að aðlaga námið að þörfum hvers og eins.

Við skólann er starfrækt námsver og sérdeild sem ætluð er seinfærum nemendum. Nemendaverndarráð sér um inntöku nemenda í sérdeildina, en hún tekur einnig við nemendum úr öðrum skólahverfum.

Mat: Í upphafi og við lok stuðningstímabils er lagt mat á stöðu nemenda. Matið byggir m.a. á greiningu sérkennara en einnig er stuðst við upplýsingar frá kennurum og foreldrum. Leitað er eftir stuðningi og fræðslu hjá fagaðilum utan skólans ef með þarf til að tryggja sem best hag nemenda.

Umsjón með sér- og stuðningskennslu hafa skólastjórnendur. Sigrún Hjartardóttir sérkennari hefur umsjón með Námsveri skólans. 

Stuðningsfulltrúar eru Bergþóra Guðmundsdóttir, Hildur Elfa Björnsdóttir og Unnur Garðarsdóttir.

Talkennsla

Talkennari skólans er  Harpa Karlsdóttir. Hún aðstoðar þá nemendur sem eiga í erfiðleikum með tal og/eða framburð. Viðtalstími á miðvikudögum kl. 08.00 - 12.00.