Fréttir | Kópavogsskóli

Útivistartími barna og unglinga

Tue, 21 Apr 2026 12:17:00 +0000

Við viljum minna á útivistarreglur fyrir börn og unglinga nú þegar vorið er að ganga í garð. Reglurnar eru settar með velferð og öryggi barna að leiðarljósi og mikilvægt er að við vinnum saman að því að fylgja þeim. Fram til 1. maí: Börn 12 ára og yngri mega vera úti til kl. 20:00. Unglingar á aldrinum 13–16 ára mega vera úti til kl. 22:00. Eftir 1. maí: Börn 12 ára og yngri mega vera úti til kl. 22:00. Unglingar á aldrinum 13–16 ára mega vera úti til kl. 24:00. Foreldrar/forráðamenn mega stytta útivistartímann en ekki lengja hann frá þessum viðmiðum. Við hvetjum ykkur til að ræða þessar reglur við börnin ykkar og tryggja að þau viti hvaða tímamörk gilda. Einnig er mikilvægt að foreldrar fylgist með ferðum barna sinna og viti hvar þau eru stödd hverju sinni.

Opinn skólaráðsfundur

Tue, 07 Apr 2026 11:51:00 +0000

Á morgun, miðvikudaginn 8. apríl kl. 8:15-9:15 verður opinn skólaráðsfundur í Kópavogsskóla. Efni fundarins er lestur og lesskilningur og hvernig hægt er að efla hvort tveggja. Um er að ræða fræðslu frá Sigurlaugu Rún Brynleifsdóttur, kennsluráðgjafa og svo verða vinnu- og umræðuhópar um efnið.

Páskafrí

Fri, 27 Mar 2026 12:17:00 +0000

Röskun á skólastarfi 26. mars 2026

Wed, 25 Mar 2026 19:53:00 +0000

Áríðandi

Árshátíð Kópavogsskóla

Wed, 25 Mar 2026 11:07:00 +0000

Árshátíð Kópavogsskóla

Wed, 25 Mar 2026 10:53:00 +0000

Kópavogsskóli heldur árshátíðir nemenda í þessari síðustu viku fyrir páskafrí.

Stóra upplestrarkeppnin

Wed, 25 Mar 2026 10:39:00 +0000

Stóra upplestrarkeppnin í 7. bekk í Kópavogi er árlegur viðburður sem hefst á degi íslenskrar tungu þann 16. nóvember. Í ár var lokakeppnin haldin í Salnum í Kópavogi þann 24. mars og kepptu þar tveir fulltrúar nemenda úr 7. bekk úr skólum Kópavogs. Óskar Sæmundur Sigfússon og Marel Briem kepptu fyrir hönd Kópavogsskóla og var Dagur Ómarsson þeirra varamaður. Hlynur Þorsteinsson, leikari og kennari í stuttmyndagerð við skólann var þeim innan handar við æfingar og aðstoðaði þá fyrir lokakeppnina. Okkar menn stóðu sig með miklum sóma og lenti Marel í 2. sæti keppninnar í ár. Við óskum þessum drengjum til hamingju með góða keppni og frábæran árangur.

Opin skólaráðsfundur 8. apríl 2026.

Mon, 23 Mar 2026 11:11:00 +0000

Skólaslit 2026

Fri, 13 Mar 2026 08:07:00 +0000

Skólaráð og foreldrafélag Kópavogsskóla hafa samþykkt breytingu á skólaslitum hjá nemendum í 1. – 9. bekk í vor þar sem stór hluti starfsmanna í Kópavogsskóla eru að fara í námsferð erlendis. Skólaslitin áttu að vera samkvæmt skóladagatali að morgni 10. júní en færast til 9. júní. 9. júní er merktur á skóladagatali sem skertur/uppbrotsdagur hjá nemendum og mun skólinn hefjast samkvæmt stundtöflu þann dag en ljúka klukkan 11:55. Frá þeim tíma fara þeir sem eru skráðir í frístund þennan dag í frístund en aðrir nemendur fara heim. Skólaslitinn verða síðan kl. 15:00 hjá nemendum í 1. – 9. bekk í kennslustofum hjá umsjónarkennurum og útskrift hjá 10. bekk verður kl. 16:30 í sal skólans.

Enginn titill

Tue, 10 Mar 2026 14:02:00 +0000

Í febrúar síðast liðnum tóku 154 nemendur úr átta skólum á höfuðborgarsvæðinu þátt í stærðfræðikeppni í Borgarholtsskóla og var það metfjöldi. Skólarnir sem tóku þátt komu flestir úr nágrenni Borgarholtsskóla, Mosfellsbæ, Grafarvogi, Grafarholti og Úlfarsárdal en einnig komu nemendur frá Norðlingaholti, Árbæ, Breiðholti og Kópavogi og skráði Andri stærðfræðikennari nokkra nemendur til keppni úr 9. og 10. bekk Kópavogsskóla. Keppendur úr áttunda bekk voru 50 talsins, 48 úr níunda bekk og 56 úr tíunda bekk.

Páskabingó 10. bekkjar og Kjarnans

Wed, 04 Mar 2026 14:11:00 +0000

Framundan er hið árlega páskabingó 10. bekkjar og Kjarnans sem verður haldið 11. mars n.k. Nemendur 10. bekkjar hafa verið öflugir í undirbúningi með aðstoð foreldra sinna en þetta er liður í fjáröflun 10. bekkjar.

Innritun í 1. bekk er hafin á Ísland.is

Mon, 02 Mar 2026 11:15:00 +0000

Innritun barna í 1. bekk hjá grunnskólum í Kópavogi fer nú fram í gegnum Ísland.is. Foreldrar og forsjáraðilar skrá sig inn með rafrænum skilríkjum og eru leidd í gegnum umsóknarferlið á skýran og aðgengilegan hátt. Innritun er hafin.

Vetrarfrí

Tue, 17 Feb 2026 10:51:00 +0000

Á morgun, 18. febrúar fögnum við öskudegi með fjölbreyttri dagskrá og lýkur henni kl. 11:00 og fara þá nemendur heim eða í Frístund fyrir þá sem eru þar skráðir. Vetrarfrí verður svo dagana 19. og 20. febrúar og hefst skóli aftur mánudaginn 23. febrúar samkvæmt stundaskrá.

Upplestrarkeppni 7. bekkjar

Thu, 12 Feb 2026 14:36:00 +0000

Í dag, fimmtudaginn 12. febrúar fór fram upplestrarkeppni 7. bekkjar. Þar kepptu tíu nemendur um það að verða fulltrúar skólans í Stóru upplestrarkeppninni sem fram fer í Salnum í mars. Nemendur 7. bekkjar eru margir hverjir virkilega góðir lesarar og var erfitt að velja þá tíu sem kepptu í dag.

Sáttmáli um símafrí í skóla- og frístundastarfi í grunnskólum Kópavogs

Mon, 09 Feb 2026 11:19:00 +0000

Sáttmálinn er sameiginleg yfirlýsing skólasamfélags Kópavogs um gildi, ábyrgð og framtíðarsýn varðandi símanotkun. Nemendur, foreldrar, starfsfólk og stjórnendur sammælast um símafrí með það að markmiði að skapa námsfrið, vellíðan og jákvætt félagslegt umhverfi. Samhliða er stuðlað að jafnræði og samræmi á milli skóla og dregið úr neikvæðum áhrifum skjánotkuna

Jólakveðja

Fri, 19 Dec 2025 12:08:00 +0000

Kópavogsskóli sendir bestu óskir um gleðileg jól og farsæld á komandi ári. Skrifstofa skólans opnar aftur mánudaginn 5. janúar og þá hefst kennsla samkvæmt stundaskrá. Meðfylgjandi mynd er jólakveðja skólans og má þar finna jólakveðju á þeim tungumálum sem nemendur skólans kunna.

Laufabrauðsdagur foreldrafélagsins

Fri, 28 Nov 2025 13:21:00 +0000

Kæru fjölskyldur, Við minnum á árlega Laufabrauðsdag foreldrafélags Kópavogsskóla sem verður haldinn á morgun, laugardaginn 29. nóvember frá kl. 11 - 14 í sal Kópavogsskóla

Fernuflug - til hamingju Kolbrá!

Tue, 18 Nov 2025 08:22:00 +0000

Textasamkeppnin Fernuflug Mjólkursamsölunnar hóf sig til flugs nú í byrjun skólaárs þar sem grunnskólanemendum í 8.-10. bekk um land allt var boðið að taka þátt og senda inn texta undir yfirskriftinni „Hvað er að vera ég?“. Um 1.200 textar bárust í keppnina. Einungis 48 textar voru valdir til þess að birtast á mjólkurfernum. Fyrstu fernurnar má finna í búðum í byrjun janúar 2026.

3. bekkur í heimsókn á Náttúrfræðistofu og Gerðasafni

Mon, 17 Nov 2025 14:55:00 +0000

Nemendur 3. bekkjar fengu boð um að koma í heimsókn á Náttúrufræðistofu og Gerðasafn. Þar fengu þeir fræðslu um landmótun á Íslandi og bjuggu þau til sína eigin eldfjallaeyju. Það var gert með því að þrýsta steinum ofan í leir til að móta landslagið og svo var svo steypt úr gifsi. Að lokum voru eyjarnar málaðar og afraksturinn var glæsilegur.

Foreldraviðtöl 6. nóvember og kaffisala 9. bekkjar

Tue, 04 Nov 2025 07:58:00 +0000

Foreldraviðtalsdagur verður 6. nóvember n.k. Nemendur 9. bekkjar verða með fjáröflunarkaffi og kökusölu þann dag í anddyri skólans en salan er hluti af fjáröflun 9. bekkjar fyrir ferð í skólabúðirnar í Vindáshlíð.