Félagsmiðstöð

Félagsmiðstöðin Kjarninn er starfrækt allt skólaárið og á sumrin. Kjarninn heyrir undir stjórn Frístundadeildar Kópavogsbæjar. Félagsmiðstöðin er staðsett í sal Kópavogsskóla og hefur afnot af ýmiskonar aðstöðu skólans.

Markmið félagsmiðstöðvarinnar er að bjóða upp á markvisst frístunda- og forvarnarstarf, undir handleiðslu fagfólks. Lögð er áhersla á lýðræði, virka þátttöku, uppbyggingu sjálfsmyndar, ánægju og gleði. Í félagsmiðstöðinni er bæði boðið upp á opið starf og hópastarf, sem miða bæði að því að stuðla að auknum félagsþroska, samskiptahæfni, þátttöku og ábyrgð. 

Félagsmiðstöðin heldur úti Instagram síðu, @kjarninn_felo, sem við hvetjum alla foreldra og forsjáraðila til þess að skoða. Þar koma inn allar auglýsingar um starfsemi félagsmiðstöðvarinnar og þar er auðvelt að fylgjast með hvað er að gerast hverju sinni. 

Sími félagsmiðstöðvarinnar: 696-1623.

Vetraropnunartími Kjarnans - fyrir unglingastig (8. - 10. bekk):

Mánudagar       17:00-22:00 (frá og með 31. ágúst).

Miðvikudagar   17:00-22:00 (frá og með 26. ágúst).

Alla föstudaga 19:30-23:00 (frá og með 11. sept.)

Auk þess eru dagopnanir skipulagðar eftir viðverutíma stjórnenda og starfsfólks. Nánari upplýsingar um seinni parts- og kvölddagskrána má sjá í mánaðarlegri dagskrá sem send er foreldrum.

Yfir sumartímann er opið mánudaga og miðvikudaga frá kl. 17:00-22:00. Opið er frá lok maí eða byrjun júní (í beinu framhaldi af vetrardagskrá félagsmiðstöðvanna) þar til fram í byrjun júlí.

Opnunartími Kjarnans - fyrir miðstig (5.-7. bekk):

Frá og með hausti 2026 verður talsverð aukning á félagsmiðstöðvarstarfi fyrir miðstigsbörn í Kópavogi. Dagskráin verður blanda af smiðjuopnunum og opnu húsi / mismunandi dagskrárliðum. Á fimmtudögum (frá og með 17. sept.) kl. 15-16 verða dagopnanir fyrir 4. og 5. bekk í samstarfi Kjarnans við Stjörnuna (frístund í Kópavogsskóla).  Á miðviku- og föstudögum kl. 17:00-18:30 verða opnanir fyrir 5. - 7. bekk, en árgangarnir eru aldrei allir saman á sama tíma (frekari upplýsingar um skipulag og dagskrána verða sendar foreldrum). 

Starfsfólk Kjarnans:

Forstöðumaður: Halldór Hlöðversson - halldorh@kopavogur.is

Aðstoðarforstöðumaður: Arnór Gauti Jónsson - arnorgauti@kopavogur.is   

Frístundaleiðbeinendur: Atli Dagur Ásmundsson, Lilja Björg Bjarnadóttir, Soraya H. og Sölvi Freyr Valdimarsson.

Tímavinnustarfsfólk:  Atli Týr Jacobsen Helgason, Haukur Valdimarsson, Jökull Óttarsson, Kenny Phuong og Tóbías Dagur Úlfsson.