Frístundaheimili
Beinn sími í Stjörnunni er 441 3432 og 825 5945.
Starfsfólk
Starfsmenn Stjörnunnar eru 8 talsins. Forstöðumaður Stjörnunnar er Þórný Edda Aðalsteinsdóttir.
Aðstaða og starfsemi
Stjarnan hefur aðstöðu í gamalli húsvarðaríbúð í elsta hluta skólans. Þar hafa verið gerðar miklar endurbætur og húsnæðið er huggulegt þó það sé lítið. Að auki hefur Stjarnan aðgang að öðrum rýmum skólans fyrir starfsemi sína. Börn í þriðja og fjórða bekk eru í klúbbum sem starfsfólk Stjörnunnar stýrir en börn í fyrsta og öðrum bekk eru í mismunandi vali eftir dögum. Leynileikhúsið og tæknilego hafa verið hjá okkur seinustu ár og vonumst við til þess að við getum boðið upp á það sem fyrst aftur. Ýmsir aðrir aðilar hafa komið að starfinu en breytilegt eftir árum. Sérskráning er í þetta og er það auglýst hverju sinni.
Síðdegishressing
Síðdegishressingin hefst klukkan 13:40 og er markmiðið að hafa hana sem fjölbreyttasta.
Útivist
Við byrjum dagana á útiveru og erum úti fram að kaffitíma. Við förum svo aftur út að leika í kringum 15:30 og erum þar til ca. 16:00. Að sjálfsögðu tökum við alltaf mið af veðri en við reynum að fara a.m.k. einu sinni út á hverjum degi.
Fatnaður
Nauðsynlegt er að senda börnin klædd eftir veðri, þar sem farið er út á hverjum degi, bæði yfir skóladaginn og líka í Stjörnunni. Einnig mælum við með því að hafa aukapör af sokkum, nærfatnaði og svo annan aukafatnað í töskunni ef föt barnsins blotna.
Leikföng
Ekki er æskilegt að börnin komi með leikföng að heiman, nema á leikfangadögum skólans sem eru sérstaklega kynntir foreldrum. Ekki er tekin ábyrgð á því ef leikfang skemmist eða týnist í Stjörnunni.
Heimferðir
Við fylgjum þeim heimferðartíma sem skráður er í Völunni nema aðrar upplýsingar hafi borist frá foreldri. Upplýsingar verða að berast til forstöðumanns fyrir klukkan 12:30 samkvæmt öryggisferlum Kópavogs. Við leyfum börnum ekki að fara heim með vinum sínum ef við höfum ekki fengið upplýsingar þess efnis frá foreldrum.
Einnig viljum við biðja foreldra að virða skráðan vistunartíma og bendum á að Stjarnan lokar kl. 16:30. Ef fólki seinkar þá óskum við eftir því að það hringi í okkur og láti vita. S: 441 3432/825 5945.
Starfsdagar
Stjarnan er opin alla daga sem grunnskólar starfa. Á starfsdögum og á foreldraviðtalsdögum skólans er opið frá kl. 8:00 – 16:00 fyrir utan einn dag á önn sem eru þá einnig starfsdagar starfsmanna frístundar. Lokað er í Stjörnunni í vetrarfríum skólanna.
Opnað er fyrir skráningu í lengda viðveru með góðum fyrirvara og lýkur skráningu þremur dögum fyrir þá daga, tilkynnt er um skráninguna í gegnum tölvupóst. Ekki er tekið við óskráðum börnum á þessum dögum. Börn fá morgunmat, hádegismat og kaffitíma á þessum dögum.
Jólafrí og páskafrí
Opið er í Stjörnunni í jólafríi og páskafríi frá kl. 8:00 – 16:00 og fer skráning fram í gegnum Völuna. Börnin þurfa að koma með hressingu með sér þessa daga. Þessar opnanir eru auglýstar tímanlega.
Frístund í lok skólaárs og sumarfrístund fyrir verðandi 1.bekk.
Ef skólaslit eru í miðri viku er opið í frístundinni frá kl. 8:00-16:00 út þá viku. Tveim vikum fyrir skólasetningu á haustin bjóðum við verðandi fyrstu bekkingum til okkar og er skráning auglýst tímanlega.
Gjaldskrá
Á heimasíðu Kópavogsbæjar eru allar upplýsingar. Gjaldskrá