Saga skólans
Kennsla hófst í fyrsta áfanga Kópavogsskóla miðvikudaginn 12. janúar 1949. Nemendur voru 100 talsins og skiptust í 6 bekkjardeildir. Stofurnar voru hins vegar aðeins þrjár tilbúnar fyrir kennslu svo eldri nemendur voru í skólanum fyrir hádegi en þeir yngri eftir hádegi. Á næstu fjórum árum rúmlega þrefaldaðist nemendafjöldinn og stofufjöldinn tvöfaldaðist. Kópavogsskóli er elsti skóli Kópavogs og hét í upphafi Barnaskóli Kópavogs, síðar Barna- og unglingaskóli Kópavogs, því næst Kópavogsskólinn og fékk svo núverandi heiti, Kópavogsskóli.
1. áfangi var tekinn í notkun um áramót ´48-´49. 6 kennslustofur + handavinnustofa og skólaeldhús + 3 herbergi.
2. áfangi um áramótin ´54-´55 - 4 kennslustofur.
3. áfangi í mars 1960 - íþróttahús.
4. áfangi haustið 1964 - smíðastofa.
5. áfangi, haustið 1968 - 2 kennslustofur og anddyri.
6. áfangi, haustið 1972 - 4 kennslustofur.
7. áfangi, haustið 1975 - stjórnunarálma og bókasafn.
8. áfangi, haustið 1996 - 6 kennslustofur + samkomusalur.
Tvær ,,lausar" kennslustofur settar niður á skólalóðina og teknar í notkun í ágúst 2019.
Skólastjórar Kópavogsskóla hafa verið Guðmundur Eggertsson (1948-1949), Frímann Jónasson (1949-1964), Magnús Bæringur Kristinsson (1964-1977), Óli Kr. Jónsson (1977-1990), Ólafur Guðmundsson (1990-2006), Guðmundur Ó. Ásmundsson (2006-2022). Núverandi skólastjóri, Guðný Sigurjónsdóttir, tók við stjórn Kópavogsskóla 1. október 2022.
Á sextíu ára afmæli skólans árið 2009 var gefið út afmælisrit með ýmsum fróðleik um upphafsár skólans og þá starfsemi sem fram fór í húsinu og fullnýtt var frá morgni til kvölds.