Skólanámskrá - Starfsáætlun - Innramat
Skólanámskrá
Skólanámskrá er nánari útfærsla á aðalnámskrá grunnskóla og innifelur allar upplýsingar og áætlanir sem snerta skólastarfið og framkvæmd þess. Skólanámskráin er þríþætt, í fyrsta lagi er starfsáætlun sem inniheldur áætlanir og upplýsingar varðandi skólaárið, í öðru lagi er handbókin sem inniheldur allar aðrar áætlanir, verklagsreglur og stefnumótun sem skólinn starfar eftir og að lokum er námsgreinahlutinn þar sem gerð er grein fyrir inntaki námsins eftir námssviðum og árgöngum.
Í Aðalnámskrá grunnskóla kemur fram að grunnskólum er skylt að semja sérstaka skólanámskrá. Skólanámskrá byggir á aðalnámskránni og öðrum þeim gögnum sem samþykkt eru af Alþingi og Mennta- og menningarmálaráðuneytið hefur eftirlit með að grunnskólarnir starfi eftir. Skólanámskráin er sett saman af mörgum þáttum og þeir eru birtir hér á heimasíðu skólans en ekki teknir saman í heildstæðan bækling. Námsgreinahluti námskrárinnar er hluti af skólanámskrá og er leiðarvísir kennarar við skipulag náms og kennslu.
Hér fyrir neðan er sá hluti skólanámskrár Kópavogsskóla þar sem marmkið hvers stigs í heild eru skilgreind og þeim skipt á árganga. Hverri námsgrein eru gerð nánari skil í bekkjanámskrá hvers árgangs fyrir sig og hægt að nálgast á tenglinum ,,Bekkjanámskrár" ofarlega til hægri á síðunni.
Unglingastig
Miðstig
Yngsta stig
Starfsáætlun
Hér má finna starfsáætlun Kópavogsskóla fyrir skólaárið 2025-2026.
Í Lögum um grunnskóla nr. 91/2008 er tilgreint í 29. grein að skólar skuli gefa út skólanámskrá og
starfsáætlun. Kópavogsskóli hefur birt skólanámskrá sína og starfsáætlun á www.kopavogsskoli.is
til margra ára og svo verður áfram. Í þessari útgáfu starfsáætlunarinnar er áhersla lögð á þau
atriði sem tilgreind eru í 29. grein Laga um grunnskóla og talin eru upp í Viðmið fyrir starfsáætlun
grunnskóla Kópavogs sem unnið var af Menntasviði Kópavogs.Starfsþróunaráætlun
Kópavogsskóli skipuleggur starfsþróun starfsmanna nokkur ár fram í tímann. Í starfsþróunaráætlun skólans er lögð áhersla á að styrkja þá þætti sem skólinn sem stofnun setur í forgang auk þess sem horft er til þátta er varða hvern einstakling og eru mikilvægir til að efla viðkomandi í starfi. Í árlegum starfsþróunarsamtölum er farið yfir þarfir hvers starfsmanns og starfsþróunaráætlunin uppfærð eftir þörfum. Núverandi starfsþróunaráætlun sem tekur til áranna 2022-2025.
Innra mat
Öllum grunnskólum er ætlað samkvæmt Lögum um grunnskóla nr. 91/2008 að skoða innra starf sitt með markvissum hætti og nýta til þess þau gögn sem verða til í skólastarfinu. Í þessari skýrslu er lýsing á því innra mati sem fór fram í Kópavogsskóla skólaárið 2024-2025. Innra mat er ferli þar sem skólinn aflar upplýsinga um starfsemi sína, leggur mat á hana og íhugar í framhaldi gengi sitt með tilliti til nemenda og starfsfólks. Í henni er farið yfir markmið matsins og gildi Kópavogsskóla auk sjálfs vinnuferilsins og verkáætlun vegna matsins.
Samkvæmt grunnskólalögum er markmið mats og eftirlits með gæðum starfs í grunnskólum að:
- veita upplýsingar um skólastarf, árangur þess og þróun til fræðsluyfirvalda, starfsfólks skóla, viðtökuskóla, foreldra og nemenda,
- tryggja að starfsemi skóla sé í samræmi við ákvæði laga, reglugerða og aðalnámskrá grunskóla,
- auka gæði náms og skólastarfs og stuðla að umbótum,
- tryggja að réttindi nemenda séu virt og að þeir fái þá þjónustu sem þeir eiga rétt á samkvæmt lögum.
Mat á skólastarfi er tvíþætt. Annars vegar er um að ræða mat sem skóla framkvæma sjálfir, innra mat. Hins vegar er um að ræða mat sem utanaðkomandi aðili vinnur á vegum sveitarfélags, barna- og menntamálaráðuneytis eða annarra aðila, ytra mat.
Innra mat á að vera samofið daglegu starfi í skóla, efla þekkingu, hæfni og ígrundun á starfinu og auka vitund starfsfólk um ábyrgð. Niðurstöður skal nýta til umbóta í skólastarfi að höfðu samráði við skólaráð. Stjórnendur setja upp áætlun um innra mat til fjögurra ára í senn og leggja fyrir á fundi starfsfólks og skólaráðs og er sú áætlun birt í Starfsáætlun skólans. Hlutverk stjórnenda í samstarfi við starfsfólk er að fylgja eftir sjálfsmatsáætlun, aðstoða við fyrirlögn kannana gerist þess þörf, vinna úr niðurstöðum þeirra og sjá til þess að kynna niðurstöður fyrir starfsfólki, nemendum, skólaráði, foreldrum og birta þær á heimasíðu.