Fréttir

Textasamkeppnin Fernuflug Mjólkursamsölunnar hóf sig til flugs nú í byrjun skólaárs þar sem grunnskólanemendum í 8.-10. bekk um land allt var boðið að taka þátt og senda inn texta undir yfirskriftinni „Hvað er að vera ég?“. Um 1.200 textar bárust í keppnina. Einungis 48 textar voru valdir til þess að birtast á mjólkurfernum. Fyrstu fernurnar má finna í búðum í byrjun janúar 2026.

Nemendur 3. bekkjar fengu boð um að koma í heimsókn á Náttúrufræðistofu og Gerðasafn. Þar fengu þeir fræðslu um landmótun á Íslandi og bjuggu þau til sína eigin eldfjallaeyju. Það var gert með því að þrýsta steinum ofan í leir til að móta landslagið og svo var svo steypt úr gifsi. Að lokum voru eyjarnar málaðar og afraksturinn var glæsilegur.

Foreldraviðtalsdagur verður 6. nóvember n.k. Nemendur 9. bekkjar verða með fjáröflunarkaffi og kökusölu þann dag í anddyri skólans en salan er hluti af fjáröflun 9. bekkjar fyrir ferð í skólabúðirnar í Vindáshlíð.

Hverfislöggan okkar hér í Kópavogi kom og heimsótti okkur í síðustu viku, fékk sér hádegisverð með nemendum og áttu góða stund. Þau litu svo inn í 1.bekk þar sem þau ræddu um að vera vel upplýst með endurskinsmerkjum og hafa aðgát í umferðinni. Einnig heimsóttu þau 7. bekk og áttu gott spjall.

16. október næstkomandi kl. 17:00–19:00 verður fræðsla fyrir foreldra frá Foreldrahúsi í sal Kópavogsskóla. Við heyrum sífellt oftar af aukinni áhættuhegðun, fikti og neyslu meðal unglinga og ungmenna og því ákváðum við að fá fræðslu hingað í skólann fyrir starfsfólk og foreldra. Því betur sem við erum öll upplýst, þeim mun betur getum við tekist á þegar upp kemur grunur um áhættuhegðun, fikt eða neyslu.

Kæru foreldrar/forráðamenn, Við viljum bjóða ykkur hjartanlega velkomin á námskynningu fyrir foreldra nemenda í 1. bekk Kópavogsskóla sem fer fram þriðjudaginn 30. September kl. 17:00–20:00 í sal skólans. Á dagskrá kvöldsins verða margvísleg og gagnleg erindi sem snúa að fyrstu skrefum barnanna í grunnskólanum. Meðal þeirra sem munu stíga á stokk eru: • Skólasálfræðingur með innlegg um að byrja í skóla og tilfinningaleg viðbrögð barna. • Forstöðumaður frístundar kynnir starfsemi frístundar og svarar spurningum. • Fulltrúi foreldrafélagsins segir frá starfi félagsins og þátttöku foreldra. • Talmeinafræðingur skólans fjallar um málþroska og mikilvægi hans í námi. Að sjálfsögðu gefst einnig tækifæri til samtals og spurninga, og vonumst við til að sjá sem flesta. Skólinn býður foreldrum til kvöldverðar, þar sem boðið verður upp á súpu að hætti kokksins.________________________________________Ef einhverjir foreldrar óska eftir þjónustu túlks, vinsamlegast sendið tölvupóst á: 📧 bergdisf@kopavogur.is sem fyrst. Við hlökkum til að sjá ykkur og eiga með ykkur góðar samverustundir! Bestu kveðjur, Bergdís Finnbogadóttir, deildarstjóri Kópavogsskóla Dear parents/guardians, You are warmly invited to an informational meeting for parents of 1st grade students in Kópavogsskóli on Tuesday, September 30th, from 17:00–20:00 in the school hall. This evening will feature a variety of short presentations and discussions relevant to your child’s first year of school. Among the speakers: • The school psychologist, speaking about the emotional aspects of starting school. • The after-school program manager, introducing the program and answering questions. • A representative from the Parent Association, sharing insights into their work and how to get involved. • The school’s speech therapist, presenting on language development and its importance in learning. There will also be time for open conversation and questions. Dinner will be provided by the school, featuring homemade soup prepared by our chef.________________________________________ If any parents require interpreter services, please send an email in advance to: 📧 bergdisf@kopavogur.is as soon as possible. We look forward to seeing you and spending a pleasant and informative evening together! Warm regards, Bergdís Finnbogadóttir, deildarstjóri Kópavogsskóla

Á morgun, miðvikudaginn 17. september verður 10. bekkur með fjáröflun á hausthátíð foreldrafélagsins.

Á morgun, miðvikudaginn 17. september heldur foreldrafélagið sína árlegu hausthátíð.

Námskynningar í 2.-5. bekk verða nú í lok september. Kynningarnar verða með þeim hætti að umsjónarkennarar taka á móti ykkur foreldrar í heimastofum árganganna og í framhaldi af kynningunni hjá þeim taka börnin á móti ykkur þar sem þau verða nú í list- og verkgreinum og gefst ykkur tækifæri til að sjá þau í verklegri kennslu og sjá verk þeirra í vinnslu. Foreldrar mæti sem hér segir; 22. september - 4. bekkur mæting kl: 8:15 í heimastofu 22. september - 3. bekkur mæting kl: 8:15 í heimastofu 25. september - 5. bekkur mæting kl: 9:55 í heimastofu 30. september - 2. bekkur mæting kl: 9:55 í heimastofu Við viljum benda ykkur foreldrar á að bílastæði við skólann eru ekki mörg og því getur verið erfitt að fá bílastæði við skólann.

Nú fara námsefniskynningar að bresta á. Unglingastigið ríður á vaðið og byrjar eftir helgi.