Fréttir

Útskrift Þann 9.júní verða skólaslit og útskrift í Kópavogsskóla.

Vorskóli Kópavogsskóla verður dagana 20. og 21. maí frá klukkan 14:00 - 15:30

Við viljum minna á útivistarreglur fyrir börn og unglinga nú þegar vorið er að ganga í garð. Reglurnar eru settar með velferð og öryggi barna að leiðarljósi og mikilvægt er að við vinnum saman að því að fylgja þeim. Fram til 1. maí: Börn 12 ára og yngri mega vera úti til kl. 20:00. Unglingar á aldrinum 13–16 ára mega vera úti til kl. 22:00. Eftir 1. maí: Börn 12 ára og yngri mega vera úti til kl. 22:00. Unglingar á aldrinum 13–16 ára mega vera úti til kl. 24:00. Foreldrar/forráðamenn mega stytta útivistartímann en ekki lengja hann frá þessum viðmiðum. Við hvetjum ykkur til að ræða þessar reglur við börnin ykkar og tryggja að þau viti hvaða tímamörk gilda. Einnig er mikilvægt að foreldrar fylgist með ferðum barna sinna og viti hvar þau eru stödd hverju sinni.

Á morgun, miðvikudaginn 8. apríl kl. 8:15-9:15 verður opinn skólaráðsfundur í Kópavogsskóla. Efni fundarins er lestur og lesskilningur og hvernig hægt er að efla hvort tveggja. Um er að ræða fræðslu frá Sigurlaugu Rún Brynleifsdóttur, kennsluráðgjafa og svo verða vinnu- og umræðuhópar um efnið.

Áríðandi

Kópavogsskóli heldur árshátíðir nemenda í þessari síðustu viku fyrir páskafrí.

Stóra upplestrarkeppnin í 7. bekk í Kópavogi er árlegur viðburður sem hefst á degi íslenskrar tungu þann 16. nóvember. Í ár var lokakeppnin haldin í Salnum í Kópavogi þann 24. mars og kepptu þar tveir fulltrúar nemenda úr 7. bekk úr skólum Kópavogs. Óskar Sæmundur Sigfússon og Marel Briem kepptu fyrir hönd Kópavogsskóla og var Dagur Ómarsson þeirra varamaður. Hlynur Þorsteinsson, leikari og kennari í stuttmyndagerð við skólann var þeim innan handar við æfingar og aðstoðaði þá fyrir lokakeppnina. Okkar menn stóðu sig með miklum sóma og lenti Marel í 2. sæti keppninnar í ár. Við óskum þessum drengjum til hamingju með góða keppni og frábæran árangur.